唔講你或者唔知，香港人起樓0既技術同建築物條例0既完善程度係全世界係數一數二0既，身為地盤佬0既我當然要同大家介紹一下香港0既建築技術。

近呢十年香港業界引入0左好多新0既建築技術，其中預制件建築就徹底0甘改變0左以往起樓 "搭棚、扎鐵、釘板、落石屎、砌磚"0既傳統概念。簡單D黎講預制件建築，就係將樓宇0既各部份先係工廠做好，再運到地盤好似砌LEGO 0甘砌返幢樓出0黎。雖然聽落去好似好唔穩陣0甘，但其實預制件本身並唔係一種新0既技術，佢一早已經應用係其他工業，好似汽車同飛機制造業就早係二三十年前引入o左預制件0既技術，將汽車或者飛機唔同0既零部件投放係各專業0既工廠制造(如將汽車引擎、車身、波箱、軑盤、真皮坐椅等都拆散到不同地方制造)，最後再將各生產好0既零部件運到汽車或者飛機制造廠裝嵌成制成品。依傢建築業界只不過將相同0既理念引入，運用已經發展成熟 0既技術去起樓，而建築一般樓宇用0既預制件0既大少，可以係一個窗台0甘細(請參照圖一)，可以係一幅牆0甘大(請參照圖二)，甚至係成間房已經係一件預制件(請參照圖三)。

(圖一 --- 窗台預制件)

(圖二 --- 外牆預制件)

(圖三 --- 廚房預制件)

預制件建築唔單止可以加快整個建築流程，更加提高0左品質控制0既效率，因為每一件預制件都已經係工廠進行0左嚴密0既品質測試並且合格，先可以運到地盤裝嵌。而且採用預制件後，由於地盤後期只負責裝嵌同裝修0既工作，所以建築物廢料0既產生亦會大大降低。如果預制件使用率0既百份比高的話，地盤重完全唔需要搭棚添！(現時香港只有很少地盤採用全預制件建築，大部份都只係將預制件應用係樓宇非結構性0既部份)

(圖四 --- 預制件使用率高唔洗搭棚0既地盤)